प्रेश विज्ञप्ति

मिति २०६९ बैशाख १८ गते जनकपुरको रामानन्द चोकमा अज्ञात समूहद्वारा गराईएको बम बिस्फोटनको घटनाप्रति हामी स्तब्ध भएका छौं । उक्त घटनामा धनुषामा कला, संस्कृतिको माध्यमबाट महिलाका सवाललाई उठान गर्दै आउनुभएकी महिला अधिकारकर्मी रञ्जु झालाई गुमाउनु परेकोमा हामी मर्माहित भएका छौं ।  

मिति २०६९ बैशाख १८ गते जनकपुरको रामानन्द चोकमा अज्ञात समूहद्वारा गराईएको बम बिस्फोटनको घटनाप्रति हामी स्तब्ध भएका छौं । उक्त घटनामा धनुषामा कला, संस्कृतिको माध्यमबाट महिलाका सवाललाई उठान गर्दै आउनुभएकी महिला अधिकारकर्मी रञ्जु झालाई गुमाउनु परेकोमा हामी मर्माहित भएका छौं ।  

देश लोकतान्त्रिक प्रकृयामा अगाडि बढिरहेको छ । शान्ति निर्माण र संविधान लेखन प्रक्रिया चलिरहेको अवस्थामा आफ्ना अधिकार सुनिश्चितताका लागि आबाज उठाउन पाउनु हरेक नेपाली नागरिकको अधिकार हो । यसैक्रममा आफ्ना अधिकारको माग गर्दै शान्तिपूर्ण धर्ना गरिरहेका व्यक्तिहरुलाई लक्षित गरि गरिएको यस प्रकारको हिंसात्मक र आतङ्कपूर्ण घटनाको  हामी घोर भत्सर्ना गर्दछौं । नागरिकहरुले उठाएका मागहरुको सम्बोधनका लागि जिम्मेवार निकायहरुले छलफल गरि यसको समाधानको खोजि गर्नुको विकल्प अरु हुन सक्तैन । यस्ता घटनाहरुले देशमा शान्तिलाई खलबलाउने र जनतालाई आंतकित बनाउने काम गरेको र लामो समयको बलिदान र संघर्ष पश्चात् स्थापना भएको लोकतान्त्रिक संघीय गणतन्त्रको अस्तीत्व समेत खतरामा परेको छ । 

यस्तो दुखदायी घटनामा परि जीवन गुमाउने व्यक्तिहरुको आत्माको  शान्तिका लागि कामना गर्दै, शोक सन्तप्त परिवारप्रति हार्दिक समवेदना प्रकट गर्दछौं । घटनामा घाइते हुनुभएका व्यक्तिहरुको यथाशिघ्र स्वास्थ्यलाभको कामना गर्दै, स्वास्थ्य उपचारलाई निःशुल्क गर्न, घटनाका दोषीहरुको पत्ता लगाई कानून अनुसार कारवाही गर्न र आगामी दिनमा यस किसीमका घटनाहरु नदोहोरिनका लागि र आम जनताको सुरक्षाको ग्यारेण्टिका लागि हामी सरकार समक्ष हार्दिक अपिल गर्दछौं ।    

  

डा. रेणु राजभण्डारी                                           बाबुराम गौतम

अध्यक्ष                                                       कार्यकारी निर्देशक

महिला मानव अधिकार रक्षकहरुको राष्ट्रिय सञ्जाल      ओरेक नेपाल